නුඹ සමග මා ගෙවූ කාලය
කොතෙක් දැයි මම තවම නොදනිමි
තවත් කොපමණ කලක් වුව මට
හැකිය නුඹ සමගින්ම ඉන්නට
නොමැත කිසි දින අඩ දබර
දුක් සුසුම් හෝ සෝ සුසුම්
මා කියන ඕනෑම දෙයකට
තුෂ්නිම්භූත භාවයෙන් ම අනුමැතිය දෙන
නුඹ වැනිම වූ තවත් කෙනෙක්
නොමැත කිසි දිනෙක කිසි කලෙක
යහළුවන් හෝ නොනෑයින්
ඥාතීන් හෝ පසමිතුරන්
අතර මා හට සොයා ගන්නට
ඉදින් මා ප්‍රිය මිතුර
යහළුව,ඥාතිය
ඉවත්ව යමි
හුදෙකලාව නම් වූ
නුඹෙන්
දියන් මට අවසර...
-සුපුන් උඩුගමකෝරාළගේ-
No comments:
Post a Comment